سلمان کی جگہ اِس اداکار کو ڈوبنے سے بچاﺅں گا۔۔۔ عامر خان نے لائیو پروگرام میں ایسی بات کہہ دی کہ سب دنگ رہ گئے

SALMAN KHAN AND AMIR KHAN

ممبئی(ویب ڈیسک) بالی ووڈ کے مسٹر پرفیکٹشنسٹ عامر خان نے ایک سوال کے جواب میں کہا کہ اگر شاہ رخ اور سلمان خان ڈوب رہے ہوں گے تو وہ شاہ رخ خان کو ڈوبنے سے بچائیں گے۔ بھارتی میڈیا رپورٹس کے مطابق بالی ووڈ اداکارعامر خان سے بھارت کے مشہور ٹی وی شو ’کافی ود کرن‘ میں

ملائیکہ اروڑا نے ایک دلچسپ سوال کیا کہ اگر ایک کشتی میں آپ، شاہ رخ خان اور سلمان خان موجود ہوں اور کشتی ڈوب رہی ہو اور آپ نے کسی ایک کو بچانا ہو تو آپ کس کو بچائیں گے؟۔ ملائیکہ اروڑا کے سوال کا عامر خان نے دلچسپ جواب دیتے ہوئے کہا کہ وہ ’شاہ رخ خان کو بچائیں گے کیونکہ بھائی ڈوب ہی نہیں سکتے۔ میڈیا رپورٹس کے مطابق بالی ووڈ کے ایک سپر سٹار سلمان خان نے دوسرے سپر اسٹار شاہ رخ خان کو فلم ’زیرو‘ کا مشورہ دیا تھا اور اب یہ سننے میں آرہا ہے کہ بالی ووڈ کے ایک اور سپر سٹار عامر خان نے بھی شاہ رخ کو ’راکیش شرما‘ (خلاء پر پہنچنے والی پہلے بھارتی) پر فلم بنانے کا مشورہ دے دیا، جس پر شاہ رخ خان فلم زیرو کے بعد کام شروع کریں گے۔دوسری جانب ایک خبر کے مطابق ھارتی فلم انڈسٹری میں چلنے والی’می ٹو‘ مہم کے بعد متعدد افراد کی جانب سے جنسی ہراسانی کے الزامات عائد کئے گئے ہیں جبکہ مسٹر پرفیکشنسٹ عامر خان نے اب تک کا بڑ ا قدم اٹھاتے ہوئے اعلان کیا ہے کہ وہ جنسی ہراسانی میں ملوث افراد سے کام سے متعلق کوئی رابطہ

نہیں رکھیں گے۔ بھارتی ذرائع ابلاغ کے مطابق بالی ووڈ کو ایک کے بعد ایک سپر ہٹ فلمیں دینے والے اداکار عامر خان نے مشہور ٹی وی شو ’ کافی ود کرن‘ میں انٹرویو کے دوران کہا کہ میں اوراہلیہ کرن نے یہ فیصلہ کیا ہے کہ ’می ٹو‘ مہم کے تحت سامنے آنے والے ناموں کے ساتھ ہم کام نہیں کریں گے اور ان سے کنارہ کشی اختیارکرلیں گے۔ ان کا کہنا تھا کہ خواتین سے جنسی ہراسانی صرف فلم انڈسٹری تک محدود نہیں بلکہ یہ ان کی زندگی کے ساتھ ہے جو بہت بری اور دل دکھانے والی بات ہے۔ اداکار نے مزید کہا کہ جنسی ہراسانی میں ملوث افراد سے کنارہ کشی اختیار کرنا ہماری ذمہ داری ہے، لیکن میں یہ بھی سوچتا ہوں کہ غلط الزام سے کئی لوگوں کے کیریئربھی ختم ہوجائیں گے جو اپنی جگہ ایک غلط اقدام ہوگا۔ دوسری جانب عامر خان نے کہا کہ انہیں خوشی ہے کہ انڈسٹری سے ایسے لوگوں کا صفایا ہورہا ہے جب کہ خواتین بھی اپنی آوازبلند کررہی ہیں۔ جیسے جیسے جنسی ہراسانی میں ملوث افراد کے نام سامنے آرہے ہیں ویسے ویسے یہ پریشان کن ہوتا جارہا ہے لیکن ’می ٹو‘ مہم خواتین کی آوازبنی ہے جو قابل ستائش ہے۔