شوکت خانم کا کس امریکی ادارے سے الحاق ہو گیا؟؟؟حیرت انگیز انکشاف۔۔

Shaukat-Khanum-Cancer_Hospital

عمران خان کا کہنا تھا کہ

آج کا دن میرے لئے انتہائی مسرت و اطمینان کا باعث ہے کہ آج شوکت خانم کو امریکی جوائنٹ کمیشن انٹرنیشنل سے الحاق حاصل ہوا۔ کئی روز تک مکمل جانچ پڑتال کے بعد عالمی سطح پر اعتراف کیا گیا کہ شوکت خانم بین الاقوامی معیار کی خدمات فراہم کرنے والا ادارہ ہے۔

اس سنگ میل کے حصول کیلئے پوری جانفشانی سے شب و روز محنت کرنے والی شوکت خانم کی ٹیم خصوصی طور پر مبارکباد کی مستحق ہے

میں ہسپتال سے وابستہ ڈاکٹرز اور نرسز سمیت پورے عملے، جو کہ سب پاکستانی ہیں، کا تہہ دل سے مشکور ہوں کہ جنہوں نے عملاً ثابت کیا کہ پاکستانی پختہ ارادے اور عزم مصمم کے بل بوتے پر عالمی معیار کے ادارے بنانے اورچلانے کی بھرپور صلاحیت رکھتے ہیں۔

سب سے خوشی کی بات تو یہ ہے کہ شوکت خانم اپنے پچھتر فیصد مریضوں کو مفت علاج فراہم کرتا ہے۔ صاحب ثروت اور غریب ترین مریضوں کو بلاامتیاز عالمی معیار کے علاج کی فراہمی شوکت خانم ہی کا طرہ امتیاز ہے۔