نوجوان ماڈل کے ساتھ ہوٹل میں جنسی زیادتی

نوجوان ماڈل کے ساتھ ہوٹل میں جنسی زیادتی

نوجوان ماڈل کے ساتھ ہوٹل میں جنسی زیادتی

لندن(مانیٹرنگ ڈیسک) برطانیہ میں اداکاروں کے پسندیدہ نائٹ کلب میں ایک نوجوان ماڈل کو جنسی زیادتی کا نشانہ بناڈالا گیا ہے۔ دی مرر کے مطابق گینٹس ہل نامی لندن کا یہ نائٹ کلب ’لو آئی لینڈ‘ اور ’دی اونلی وے از ایسیکس‘ سیریز کے اداکاروں سمیت فلم و ٹی وی انڈسٹری سے وابستہ لوگوں میں بے حد مقبول ہے اور وہ اکثر وہاں جاتے رہتے ہیں جہاں اس 20سالہ ماڈل کے مشروب میں نشہ آور دوا ملائی گئی اور پہلے کلب میں ہی جنسی زیادتی کا نشانہ بنایا گیا اور پھر قریبی ہوٹل میں لیجا کر 5 مردوں نے اس کے ساتھ اجتماعی زیادتی کر ڈالی۔

رپورٹ کے مطابق یہ واقعہ اس وقت منظرعام پر آیا جب اس ماڈل کو زیادتی کا نشانہ بنانے کی ویڈیو سوشل میڈیا پر وائرل ہوئی۔اس ماڈل نے تاحال پولیس سے رابطہ نہیں کیا تاہم میٹروپولیٹن پولیس کی طرف سے جاری بیان میں بتایا گیا ہے کہ اس ویڈیو کی بنیاد پر واقعے کی تحقیقات کی جا رہی ہیں۔ ہمیں معلوم ہوا ہے کہ پہلے اسے گینٹس ہل میں ایک شخص نے زیادتی کا نشانہ بنایا اور پھر مشرقی لندن کے ایک ہوٹل میں پانچ مردوں نے اجتماعی زیادتی کی۔ تاحال کوئی گرفتاری عمل میں نہیں آئی۔