سندھ مںں تل کے لڈو فروخت کرنے والا نابناپ شخص بھی کروڑ پتی نکلا

سندھ میں تل کے لڈو فروخت کرنے والا نابینا شخص بھی کروڑ پتی نکلا

جعلی بینک اکاؤنٹس کے ذریعے جعلی کمپنیاں بنانے کا ایک اور کیس سامنے آگیا، نابینا اور تل کے لڈو فروخت کرنے والا بھی کروڑ پتی نکلا، ایف بی آر نے چھاپہ مارا تو لیاقت کو جعلی اکاؤنٹ کا پتہ چلا۔

فالودے والا، رکشے والا دھوبی کے بعد کراچی کے علاقے کورنگی کا رہائشی تل کے لڈو فروخت کرنے والا محمد لیاقت بھی کروڑ پتی نکلا، ایف بی آر نے گھر پر چھاپہ مارا تو نابینہ لیاقت کے پیروں کے نیچے سے زمین نکل گئی۔

متاثرہ شہری کہتا ہے تل کے لڈو بیچ کر گزارا کرتا ہوں چھاپے کے بعد جعلی اکاونٹ کا علم ہوا، شہری کا کہنا ہے کہ میرا شناختی کارڈ3 بار کھو چکا ہے، شناختی کارڈ کھونے کی ایف آئی آر بھی کٹوائی۔

ایف بی آر کے مطابق چار جون 2013 محمد لیاقت کے نام سے کمپنی کھولی گئی، اکاؤںٹ سے ڈھائی کروڑ کی ٹرانزیکشن ہوئی، کمپنی ایف بی آر میں بلیک لسٹ ہے، متاثرہ شہری کو چند روز بعد ایف بی آر کے دفتر میں طلب کرلیا گیا ہے۔

اس سے قبل کراچی میں فالودہ والے اور رکشہ چلانے والے اور مردہ شخص کے نام کھلے جعلی اکاؤنٹس سے اربوں روپے برآمد ہوئے ہیں ۔

واضح رہے کہ سندھ میں جعلی اکاؤنٹس اور منی لانڈرنگ کی تحقیقات میں سپریم کورٹ کی ہدایت پر جے آئی ٹی قائم کی گئی تھی جس نے درجنوں جعلی بینک اکاؤنٹس کی تفصیلات حاصل کرلیں، اس کیس میں اومنی گروپ کے سربراہ انور مجید اور ان کا بیٹا عبدالغنی مجید زیر حراست ہیں جبکہ سابق صدر آصف زرداری اور ان کی ہمشیرہ فریال تالپور سے بھی تحقیقات کی گئی ہیں۔