میری تحریک انصاف میں شمولیت کی خبریں غلط ہیں ، شیر کے نشان پر ہی الیکشن لڑونگی ، نامور خاتون سیاستدان نے خود ہی افواہوں کا قلع قمع کر دیا

کمالیہ (ویب ڈیسک) امیدوار صوبائی اسمبلی نازیہ راحیل نے صحافیوں سے گفتگو کرتے ہوئے کہا ہے کہ میرے نام سے پی ٹی آئی کا ٹکٹ جاری کیا جانا ایک سازش ہے۔ کچھ شر پسند عناصر ہیں جنہوں نے میرے اور میرے گروپ کے ساتھ یہ سازش کی ہے۔ مشکل حالات ہوں یا اچھے حالات ہوں،

میں ہر حال میں مسلم لیگ (ن) کے ساتھ ہوں، تھی اور رہوں گی۔ 2008میں 2013 میں مسلم لیگ (ن) کے ٹکٹ سے کامیاب ہوئی اور صوبائی اسمبلی پنجاب کی ممبر بنی۔ میں مشکل وقت میں اپنی پارٹی کو چھوڑ کرکسی دوسری پارٹی میں جانا اپنی ذلت سمجھتی ہوں۔ میاں نوازشریف میرے قائد ہیں، میں ان کے ساتھ ہوں۔ میں مسلم لیگ (ن) کی امیدوار ہوں اور شیر کے نشان سے ہی الیکشن لڑوں گی۔سابق وفاقی وزیر برائے مذہبی امور حامد سعید کاظمی نے پاکستان پیپلز پارٹی (پی پی پی) کے ٹکٹ سے انتخابات لڑنے سے انکار کرتے ہوئے این اے 175 سے آزاد حیثیت میں الیکشن لڑنے کا اعلان کردیا ہے۔پارٹی کے شریک چیئرمین آصف علی زرداری ملتان میں حامید سعید کاظمی کی رہائش گاہ پہنچے جہاں دونوں کی ملاقات ہوئی۔پارٹی ذرائع کے مطابق آصف زردری، حامد سعید کاظمی او رتحریک انصاف کے شاہ محمود قریشی کے مقابلے میں الیکشن لڑاناچاہتے ہیں، تاہم سابق وزیر نے نے این اے 156 سے الیکشن لڑنے سے انکار کردیا۔حامد سعید کاظمی نے این اے 175 لیاقت پور سے آزاد حیثیت سے کاغذات نامزدگی جمع کرائے تھے۔ملاقات کے بعد میڈیاسے گفتگو میں حامد سعید کاظمی کا کہنا تھا کہ میں الیکشن لیاقت پور حلقے سے لڑنا چاہتا ہوں تاہم آصف زرداری کی خواہش تھی کہ میں وہاں سے انتخابات میں حصہ نہ لوں۔ میں نے زرداری صاحب سے معذرت کر لی جس کا انہوں نے برا نہیں منایا۔اگر جیتا تو فیصلہ کروں گا کس پارٹی میں جانا ہے۔دوسری جانب میڈیا سے گفتگو میں تحریک انصاف کے رہنما شاہ محمود قریشی نے حامد سعید کاظمی کا شکریہ ادا کرتے ہوئے کہا کہ آصف زرداری کو خالی ہاتھ واپس جانا پڑا۔ حامد سعید نے آصف زرداری کو انکار کیا، اس سے عمران خان کو آگاہ کروں گا حامد سعید کاظمی کے فیصلے سے وہ ہمارے بہت نزدیک ہوگئے ہیں۔