سپریم کورٹ کے جج جسٹس اعجاز الاحسن کی رہائش گاہ پر فائرنگ کے بعد چیف جسٹس آف پاکستان نے بڑا اعلان کردیا

لاہور(ویب ڈیسک)سپریم کورٹ کے جج جسٹس اعجاز الاحسن کے گھر پر فائرنگ کے بعد رینجرز بھی ماڈل ٹائون پہنچ گئی ۔میڈیا رپورٹس کے مطابق سپریم کورٹ کے جج جسٹس اعجاز الاحسن کے گھر پر گزشتہ رات اور آج صبح نامعلوم افراد کی جانب سے فائرنگ کی گئی تھی ،واقعہ کی اطلاع ملتے

ہی چیف جسٹس ثاقب نثار صورتحال کا جائزہ لینے جسٹس اعجاز الاحسن کے گھر پہنچ گئے اور آئی جی پنجاب کو فوری طلب کر لیاہے۔ڈی آئی جی آپریشنز ڈاکٹر حیدر اشرف نے کہا ہے کہ واقعہ کے بعدپولیس موقع پر پہنچ چکی ہے اورصورتحال کا جائزہ لے رہے ہیں۔پولیس کے بعد رینجرز بھی اعلیٰ عدلیہ کے جج کے گھر پہنچ گئی اورصورتحال کا جائزہ لیا جا رہا ہے۔واضح رہے کہ جسٹس اعجاز الاحسن پاناما ریفرنس میں نگران جج ہیں،اس کے علاوہ وہ پاناما سمیت اہم مقدمات اور فیصلوں کا حصہ رہے، دوسری جانب خبر کے مطابق عدالتی اعلامیے کے مطابق جسٹس اعجازالاحسن کی لاہور میں واقع رہائش گاہ پر فائرنگ کا واقعہ گزشتہ شب پیش آیا۔ اعلامیے میں کہا گیا ہے کہ چیف جسٹس پاکستان جسٹس میاں ثاقب نثار جسٹس اعجازالاحسن کی رہائش گاہ پہنچ گئے اور وہ صورتحال کی خود نگرانی کررہے ہیں۔ یاد رہے کہ جسٹس اعجاز الاحسن پاناما کیس کی سماعت کرنے والے بینچ میں شامل تھے اور وہ احتساب عدالت میں زیرسماعت ریفرنس کے نگراں جج بھی ہیں۔ دوسری جانب وزیراعلیٰ پنجاب شہباز شریف نے جسٹس اعجاز الاحسن کی رہائشگاہ پر فائرنگ کے واقعے کا نوٹس لیتے ہوئے آئی جی پنجاب سے واقعے کی رپورٹ طلب کرلی۔ وزیراعلیٰ پنجاب نے ہدایت کی کہ ملزمان کو قانون کی گرفت میں لا کر فوری کارراوئی کی جائے۔واضح رہے کہ واقع میں ملوث مجرموں کی گرفتاری کے بھی حکم جاری کر دیئے گئے ہیں۔